Kompetisietyd by die Museums

Op 5 November begin hierdie jaar se soektog na Mej "Cowgirl" en Mnr "Cowboy" en die kompetisie sluit op 30 November 2018.





Om in te skryf besoek die Skulpie- of Humansdorpmuseum, gebruik van die prettige toebehore of kom aangetrek volgens 'n Wilde Weste tema, laat 'n foto neem deur een van die museum se toesighouers en vul 'n inskrywingsvorm in. Dit is beslis nie 'n skoonheidskompetisie nie maar net 'n prettige manier om die museums bekend te stel.


Op 8 Desember om 10:00 word die wenners by die Skulpmuseum bekend gemaak.  Om onpartydigheid te waarborg word drie kinders se name getrek in elk van die volgende kategorieë:


Voorskool, laerskool en hoërskool  wat dan in aanmerking kom vir 'n eerste, tweede en derde prys.


Daar sal egter ook 'n meriete prys wees vir die twee wat, volgens die beoordeelaars, die heel beste  aangetrek is as "Cowgirl" en "Cowboy".


Tydens die besoek aan die museum kan name op 'n lys geplaas word vir 'n gratis pretrit vanaf die Skulpiemuseum na Mentors en weer terug.  Indien daar meen name as plekke is sal daar ook 'n trekking gehou word - plek is ongelukkig beperk.

Kompetisie Reëls

Mej Cowgirl and Mr Cowboy 2018

1. Jou inskrywing vir hierdie kompetisie en/of jou aanvaarding van ’n prys (indien jy een sou wen) beteken ’n bindende aanvaarding van die bepalings en voorwaardes van dié kompetisie sowel deur jouself as deur enige persoon wat jou verteenwoordig (ouer of voog).

2. Enige inskrywings wat nie ontvang word voor die sluitingsdatum van die kompetisie nie sal nie in aanmerking kom nie, ongeag die rede vir die laat inskrywing.

3. Ons verskaf geen waarborg dat – jou inskrywing vir of deelname aan die kompetisie noodwendig daartoe sal lei dat jy ’n prys wen nie.

4. Pryse mag nie verander of verruil word vir kontant of enige ander artikel nie.

5. Humansdorp Museumvereniging en die beoordelaars se besluit oor enige aangeleentheid rakende hierdie kompetisie en/of voortspruitend uit hierdie bepalings en voorwaardes is finaal en bindend vir jou, en geen korrespondensie sal hieroor gevoer word nie

67 Minutes for Mandela - 2018

"Wall of Remembrance" - Pellsrus

'n Projek om die verwaarloosde begraafplaas in Duinestraat, Pellsrus op te knap is onlangs voltooi - 'n spanpoging tussen Kouga Munisipaliteit Toerisme en die Humansdorp Museumvereniging. Die doel daarvan om erkenning te gee aan die vissermanne en hulle gesinne wat daar begrawe is.

In Old Jeffreys Bay - Lest we Forget by  Bert Behrens :"The early coloured people of Jeffreys Bay were highly skilled fishermen who lived of the sea...in striving to put food on the table, often put their lives at risk by going out to sea in all types of weather and in extremely bad conditions...if it were not for the coloured fishermen who, all those years ago, put the spotlight on "The Fishery", which later became Jeffreys Bay, this fast going town, the jewel of the Eastern Cape, may not have been what it is today..."

Verwaarloosde heining en rommel

Toekenning vir Komiteelid

Hester Marx, een van die eerste komiteelede van Humansdorpvereniging is onlangs vereer deur die Genealogiese Genootskap van Suid-Afrika met die Goue Banier 2018 toekenning.


Die Goue Banier word slegs gegee in erkenning van uitsonderlike diens aan die Genealogiese Genootskap van Suid-Afrika.


Vir baie jare plaas Hester getrou al die sterfkennisgewings van Die Burger op SAGen en gee so waardevolle inligting aan ander navorsers.


Welgedaan!!


Hester Marx en Alan Montgomery, Voorsitter GGSA Ooskaaptak

Museumdag in Mall

Die jaarlikse uitstalling  ter viering van Internasionale Museumdag is op Saterdag 19 Mei in die Fountains Mall gehou. Die uitstalling se tema was "Van Toeka tot Nou" en het alherhande ou voorwerpe bevat wat die ontwikkeling van kommunikasie uitgebeeld het - van 'n outydse slingerfoon (nommer asseblief!) tot 'n moderne "Tablet".

Uitstallings word jaarliks gehou om die museums te bemark onder die algemene publiek en elke jaar word 'n ander tema gebruik.

"The objective of International Museum Day is to raise awareness of the fact that, “Museums are an important means of cultural exchange, enrichment of cultures and development of mutual understanding, cooperation and peace among peoples.”

(icom.musuem/)

Daar is ook om 14:00 'n gelukstrekking gehou - all besoekers kon hul name en kontaknommers in die rooi posbus gooi en een van die jong besoekers het toe drie name getrek. Die wenners was almal baie ingenome met hul pryse.



Van die besoekers

Werkswinkel in Grahamstad

Onlangs is 'n werkswinkel "Museum Exhibitions Made Easy" by die National English Literature Museum (NELM) in Grahamstad gehou. Die werkswinkel het oor twee dae gestrek en die doel daarvan was om museum uitstallings te venuwe en meer modern te maak maar ook om nuwe insigte te bring rakende die doel van klein plaaslike museums.

Die werkswinkel het ook gefokus op die noodsaak om te verseker dat alle kulture verteenwoordig word sodat die breë gemeenskap se stories vertel kan word.

Die museum is 'n pragtige moderne gebou met 'n groot hoeveelheid lugversorgde stoorkamers, lesinglokale, 'n teater, ligte wat outomaties aan- en afskakel, kinderhoekie en pragtige uitstalruimtes.